أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
07-03-2011, 04:12 PM
|
#1 | ||
تاريخ التسجيل: May 2011
رقم العضوية: 3148
المشاركات: 26
بمعدل: 0.07 (مشاركة/اليوم)
التقييم: 10
|
الضرب
لانه موضوع مهم جداولان كل الاباء والا مهات بيستخدموه للاسف اغلب الاباء والامهات بتستخدم الضرب كاسلوب عقاب والمدرسين برده مع انه اتمنع فى المدارس "كان هيبقى افيد لو اتمنع من ثقافة المجتمع كله" لان لسه فى مدرسين بيضربوا ولو مش بيضربوا فى المدرسة يبقى بيضربوا فى البيت لو كانوا اباء "يمكن لانهم فى فاهمين ليه الضرب اتمنع ولا اية الغلط فى ده...امال اربى العيل من دول ازاى...ماهو لازم يضرب علشان يمشى صح" ودى ثقافة عايزة واللى كان مفروض يتمنع برده "من ثقافة المجتمع" الشتيمة التأثير السلبى على نفسية الطفل للشتيمة افظع من الضرب ــــــــــــــــــــــــــــ اغلب الاباء بيلجأوا للضرب كاسلوب لعقاب الطفل لكن انك تشغل ايدك بدل عقلك وتتصرف مع الطفل تصرف مش حكيم ومش هادف تربويا والغرض الاساسى منه انك بتنفس عن الغضب اللى جواك ده اسلوب مالوش اى علاقة بالتربية الدراسات اثبتت ان 95% من الاباء بيستخدموا الضرب للتنفيس عن غضبهم مش بدافع التربية او التأديب "فماحدش يتلكك ويقول انا بربى ابنى" وللاسف من كتر ما اتعودنا عليه اصبح مافيش ادامنا غير الضرب ولما نقول ماتضربوش الاطفال يقولوا طب نعمل اية؟ قبل ما اقولك تعمل اية لازم تبقى عارف الضرب اصلا بيؤدى لاية الضرب بيخلى الطفل عدوانى او عنيد او سلبى مش بيمشى الا بالضرب او بيبقى منطوى وحاسس بعدم الرغبة فى وجوده او الاحساس بالمهانة الضرب ممكن يخلى الطفل يكره والديه وبالتالى يبقى عاق فبالتالى يبقى الاباء هما اللى بيعاقبوا نفسهم وبيأذوا ولادهم وماظنش ان فى اى اب عايز ابنه يبقى بالمنظر ده بالاضافة الى ان الضرب ممنوع قبل سن 9 سنين لان الاطفل مش بيميز الصح من الغلط ولما تضربه مش بيبقى فاهم "هو طبعا الاطفال اذكيا وبيكونوا فاهمين لما بيتمنعوا عن حاجة او انهم يقربوا لمكان معين بيبقوا عارفين ان ده غلط" لكن مثلا طفل كسر حاجة او كب ماية على الارض ،هو كان بيلعب فلما تضربه مش بيقى فاهم انا اتضرب ليه ده انا كنت بلعب فممكن يعمل نفس الموقف لانه بيلعب فيبقى الضرب مالوش اى لازمة كوسيلة تربوية طب اعمل اية فى موقف زى ده؟ افهمه ان ده غلط ازاى؟ مثلا هو كسر حاجة،فاغير تعبير وشى ونبرة صوتى انى زعلانة ،وامسك الحاجة اللى هو كسرها واعاتبه واقوله كده كخ واخصمه شوية بس يبقى فاهم انا بعمل كده ليه...فانا ماسكة فى ايدى التصرف اللى هو عامله "كسر الكوباية" وبفهمه انى عاملت كده علشان التصرف ده فمش هيرجعله تانى وبفرض ان الطفل بيتولد عاقل جدا والعالم ده كله اتعرف عليه وهو لسه جنين وعارف الصح من الغلط برده مايضربش الرسول عليه الصلاة والسلام لما قال لنا ازاى نخلى اولادنا يصلوا قال: "علموهم لسبع واضربوهم لعشر" يعنى اعلمه انه يصلى من سن سبع سنين "لما يبدأ يفهم" وافضل اسايسه واحايل فيه واكلمه واستخدم كل الطرق الممكن معاه لمدة 3سنين مش عايز يصلى بردة وخلاص صبر نفد اخر حاجة بقى اضربه طب اية اساليب العقاب؟ ممكن تحرمه من لعبة من اكلة من خروجه يعنى تستخدم معاه اسلوب الحرمان بس يكون فى لحظة ما الطفل يغلط وتعرفه ليه هيتحرم علشان مايكررش نفس السلوك ويكون الحرمان لفترة زمانية مناسبة حسب سن الطفل وتبقى متغيرة يعنى مثلا حرمت الطفل من الشكولاتة لمدة يوم وبعدين عمل غلطة تانية وعاقبته بالحرمان ماتبقاش المدة يوم علشان الطفل مايتعودتش انه يغلط زى ماهو عايز لانه عارف ان الحاجة اللى اتحرم منها هترجعله بعد فترة محددة هو عارفها وتانى الحرمان يكون مناسب على حسب الغلطة وعلى حسب سن الطفل ومايكونش الطفل مثلا عنده 3 سنين واحرمه من لعبة لمدة اسبوع كتير جدا فالحرمان يبقى مناسب مع سن الطفل فى اسلوب تانى هو التربية بالحب الطفل لو حب امه وابوه هيبقى صعب علية يزعلهم اصلا ويمكن تبقى نظرة واحدة او تغيير تعبير الوش كافى ان الطفل يحس بالعقاب. لو الطفل غلط وانت قولتله انا زعلت وخاصمته وتجاهلت تصرفاته ده عقاب شديد بالنسبة ليه لو كان بيحبك وهيحاول انه يصالحك ويرجعك ليه بكل الطرق هتلاقيه بيضحك وبيعمل اى حاجة تجذب انتباهك ممكن لو مش بيتكلم تلاقيه اتكلم هيعمل المستحيل علشان ترجعله لو كان متعلق بيك وبيحبك انت بقى تبقى جامد شوية ماتنتبهش لتصرفاته ودى محتاجة صبر منك وخد بالك لو رجعت للطفل بسرعة وصالحته نتيجة لتصرفاته اللى عاملها علشان يجذب انتباهك ممكن الطفل يستغل ده فيك وكل لما يغلط وتقوله انا زعلان هتلاقيه بيتفنن فى ارجاعك وممكن يغلط على مزاجه وممكن يمنع نفسه من تصرفات انت حابب انه يعملها ويظهرها ليك فى وقت تكون انت زعلان منه الاطفال اذكيا جدا وبيفهموها وهى طايرة والخصام يكون بمدة مناسبة لسن الطفل طب الطفل عاملى قردعلشان اصالحه، اصالحه امتى بقى مثلا الطفل غلط الصبح وبعد تلات او اربع ساعات الغدا استغل وقت الغدا واصالحه او وقت النوم استغله علشان اصالحه ممكن اخصمه يوم كامل وما استجبش لتصرفاته ممكن يومين المهم اغير فى الفترة الزمنية حسب سن الطفل وحسب الغلطة واغير من اسلوب العقاب مرة حرمان مرة خصام او مش هنعملك عيد ميلاد او مش هنجيبلك هدوم العيد وضرورى تميز الغلطة اللى تستحق العقاب ولو سبته ممكن تأثر على سلوكه ولما اجى اصالحه ما اقولوش ماعدتش تعمل كده تانى وخلاص لا لازم افهم هو عمل كده ليه وافهمه مايعملش تانى كده ليه لازم ابقى عارف اية الهدف من ورا تصرفه ده وكانت نيته اية ممكن يكون عمل حاجة انت شايفها غلط لكن الهدف منها كان كويس مثلا لاقيت ابنك لم كل الاطباق والحلل ورماها فى الشارع "فى امهات ممكن ترمى ابنها ورا الاطباق" لازم تسأليه عاملت كده ليه؟ قالك كنت بلعب تفهميه ان الحاجات دى مش للعب وتعاقبيه قالك انا بشوفك كل يوم بتغسلى المواعين وبتبقى تعبانة فكنت عايز اريحك ده تاخديه فى حضنك وتفهمية ان كده غلط وانك بتبقى مبسوطة وانتى بتقومى بطلبات البيت ومايتعقبش بس شوفتوا الموضوع سهل ازاى عارفين بقى لو عاقبت الطفل من غير ماعرف كان غرضه اية نفسيته هتتعب لو كان عمل التصرف ده بهدف الحب ممكن يقول انا بحب ماما وماما رافضة حبى او مش بتحبنى وهى ليه عاملت فيه كده كل ده علشان كنت عايز اساعدها ممكن بعد كده لو شافك تعبانة بجد مش هيساعدك هيقول لا ياعم مانا حاولت اساعدها قبل كده واضربت |
||
|
|
 |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
جميع الأوقات بتوقيت GMT. الساعة الآن 01:36 PM.
Powered by vBulletin® Version 3.8.2 Copyright ©2000 - 2011, Jelsoft Enterprises Ltd.
Search Engine Optimization by vBSEO 3.6.0 ©2011, Crawlability, Inc.
Powered by vBulletin® Version 3.8.2 Copyright ©2000 - 2011, Jelsoft Enterprises Ltd.
Search Engine Optimization by vBSEO 3.6.0 ©2011, Crawlability, Inc.
